Alphonso Davies kishte planifikuar largimin nga Bayern Munichu në vitin 2024, me Real Madridin si destinacionin e preferuar.
Sipas Tuttomercatoweb, mbrojtësi kanadez kërkonte një pagë shumë të lartë, ndërsa klubi madrilen dukej i gatshëm t'ia plotësonte kërkesat financiare. Megjithatë, transferimi nuk u realizua dhe Davies vazhdoi aventurën në Mynih.
Në dy sezonet e fundit, 26-vjeçari është përballur me probleme të shumta fizike, të cilat e kanë kufizuar ndjeshëm aktivizimin e tij. Ai regjistroi vetëm 31 paraqitje në njërin sezon dhe 13 në tjetrin.
Pavarësisht vështirësive, Davies mbetet një prej futbollistëve më cilësorë në pozitën e tij. Ai ka zhvilluar 262 ndeshje me fanellën e Bayernit në shtatë vite dhe ka kontratë me klubin gjerman deri më 30 qershor 2030. /Zëri