Mounir Nasraoui, babai i yllit të Barcelonës, Lamine Yamal, ka sqaruar një keqkuptim të zakonshëm lidhur me emrin e futbollistit të ri.
Gjatë një transmetimi të drejtpërdrejtë në rrjetet sociale, në kohën kur Barcelona po luante kundër Alavésit, Nasraoui vendosi të tregojë se si quhet në të vërtetë djali i tij.
“Dua t’ju tregoj diçka, që ta dinë të gjithë: Lamine Yamal është emër i përbërë. Yamal nuk është mbiemër, zotërinj”, deklaroi ai.
Më pas, babai i futbollistit sqaroi se mbiemrat e djalit janë Nasraoui dhe Ebana.
“Mbiemrat e tij janë Nasraoui Ebana. Që ta dini dhe të mos ngatërroni”, shtoi Mounir.
Pra, emri i plotë i yllit të Barcelonës është Lamine Yamal Nasraoui Ebana. Lamine dhe Yamal janë dy emrat e tij, ndërsa Nasraoui është mbiemri i babait dhe Ebana i nënës. /Zëri