Sulmuesi i Anglisë, Ivan Toney, mund të përballet me pasiguri rreth pjesëmarrjes në Kampionatin Evropian 2028, pasi gjyqi i tij për sulm është caktuar të nisë më 12 qershor 2028, vetëm tri ditë pas fillimit të turneut që do të organizohet në Mbretërinë e Bashkuar dhe Irlandë.
Futbollisti 30-vjeçar u paraqit të enjten në Gjykatën e Southëarkut, ku u deklarua i pafajshëm për akuzën e sulmit që ka shkaktuar lëndime trupore.
Toney akuzohet se në dhjetor të vitit 2025, në një klub nate në Soho, e ka goditur me kokë dhe grushte Saber Da Silvan.
Mbrojtja e sulmuesit nuk e konteston se ai ka shkaktuar lëndimin, por këmbëngul se veproi në vetëmbrojtje.
Gjyqi pritet të zgjasë tri deri në katër ditë, ndërsa gjyqtari ka përmendur ngarkesën e madhe të gjykatave si arsye për vonesën e gjatë deri në nisjen e procesit.
Sulmuesi i Al-Ahlit po kalon një sezon produktiv, me 13 gola në 14 paraqitje deri më tani.
Para se të largohej nga Anglia në vitin 2024, Toney shënoi 36 gola në 83 ndeshje në Ligën Premier me Brentfordin.
Transferimi i tij drejt klubit saudit u raportua të ishte rreth 40 milionë funte, afërsisht 47 milionë euro./Telegrafi/