Trajneri i Bayern Munichut, Vincent Kompany, raportohet se ka pësuar një rrëzim, pas të cilit dyshohet se ka dislokuar shpatullën. Sipas raportimeve, trajneri belg ka shfaqur edhe konvulsione pasi ka rënë në tokë, duke shkaktuar shqetësim për gjendjen e tij shëndetësore.
Mjekët thuhet se kanë përjashtuar mundësinë e një goditjeje në tru apo ataku në zemër, ndërsa po hetojnë nëse mund të ketë probleme neurologjike. Sipas të njëjtave raportime, mbingarkesa dhe lodhja e tepërt janë ndër faktorët që po shqyrtohen si shpjegime të mundshme.
Megjithatë, deri në konfirmimin nga burime zyrtare, këto informacione duhet të trajtohen me kujdes. Gjendja shëndetësore e trajnerit belg mbetet në qendër të vëmendjes, ndërsa tifozët shpresojnë për lajme të mira rreth tij.