Këngëtarja shqiptaro-amerikane Bebe Rexha po shijon disa ditë pushimi në qytetin bregdetar të Nicës, në Francë, ku ka përfituar nga moti i mirë për t’u relaksuar, pavarësisht se tashmë jemi në stinën e vjeshtës.
Artistja ka ndarë me ndjekësit në rrjetet sociale disa fotografi nga qëndrimi i saj në këtë qytet, ku vëmendjen e ka marrë një pozë e realizuar në ballkonin e hotelit ku po qëndron.
Bebe shfaqet e veshur me pizhame, të cilat i ka zbërthyer pjesërisht, duke vënë në pah të brendshmet rozë. Krahas pamjes provokuese, vëmendje marrin edhe linjat e saj trupore, teksa këngëtarja duket se po shijon momentet e qetësisë larg angazhimeve profesionale.
Rexha ndodhej në Nicë për ceremoninë e ndarjes së çmimeve NRJ Music Awards, ku u ngjit në skenë për të performuar së bashku me DJ-in e njohur francez David Guetta.
Pas angazhimit në këtë ngjarje muzikore, këngëtarja duket se ka shfrytëzuar rastin për të qëndruar edhe disa ditë në qytetin francez, duke kombinuar aktivitetet profesionale me pushimin. /Telegrafi/
– YouTube youtu.be