Aktori amerikan Walter Koenig, i njohur më së shumti për rolin e Pavel Chekovit në serialin “Star Trek”, ka ndërruar jetë në moshën 91-vjeçare.
Ai vdiq të dielën, për shkaqe natyrore, në shtëpinë e tij në North Hollywood, ndërsa pranë tij ishin vajza Danielle dhe mbesa.
Koenig u bë i njohur për publikun përmes rolit të navigatorit rus Pavel Chekov në serialin origjinal “Star Trek”, ku u shfaq në 36 episode.
– YouTube www.youtube.com
Ai e interpretoi të njëjtin personazh edhe në disa filma të serisë, duke u bërë një nga figurat e dashura për fansat.
Përveç “Star Trek”, aktori luajti edhe në produksione të njohura si “Babylon 5” dhe “Columbo”, si dhe kontribuoi me zërin e tij në seriale të animuara, përfshirë “Futurama”.
Ai vazhdoi të merrej me aktrim deri në fund të jetës.
Gjatë këtij viti, Koenig u vlerësua në festivalin Independent Shorts Awards për rolin e tij në filmin “Mr. Fleischmann”.
Përfaqësuesi i tij e kujtoi si një artist të talentuar, i cili kishte ruajtur gjithmonë një marrëdhënie të ngrohtë me admiruesit e tij.
– YouTube www.youtube.com
Jeta personale e aktorit u shënua nga humbje të dhimbshme. Djali i tij, Andrew, vdiq në vitin 2010, teksa bashkëshortja Judy, me të cilën ishte i martuar për gati 60 vjet, ndërroi jetë në vitin 2022.
Walter Koenig lë pas vajzën Danielle dhe një trashëgimi artistike që do të kujtohet nga miliona fansa të “Star Trek”, të cilët e lidhin emrin e tij me një nga personazhet më të njohura të këtij universi fantastiko-shkencor. /Telegrafi/