Duke folur përpara El Clasicos, trajneri i Real Madridit, Jose Mourinho, ka thënë se nuk shqetësohet nga etiketa e favoritëve të Barcelonës, duke këmbëngulur se Los Blancos janë larg të qenit një produkt i përfunduar si rivalët e tyre të përbetuar.
Real Madridi udhëton drejt Camp Nou për t’u ndeshur me Barcelonën të dielën nga ora 21:00 dhe tashmë Mourinho ka bërë disa deklarata para ndeshjes.
“Njerëzit që një javë më parë mendonin se Barça mund të na shkatërronte, tani mendojnë të njëjtën gjë. Nuk mendoj se kjo do të ndryshojë. Fakti që njerëzit flasin mirë për Barçën nuk më shqetëson”, ka thënë fillimisht trajneri portugez.
“Të them të drejtën, ka ndeshje ku ata padyshim meritojnë të lavdërohen sepse bëjnë disa gjëra vërtet të mira”.
“Në rastin tonë, ne shihemi si një produkt i përfunduar. Produktet e përfunduara në futboll janë të vështira për t’u gjetur. Nëse po flasim për ne në një fazë të avancuar të procesit, ne kemi punuar për tre muaj. Nëse heqim ndeshjet parasezonale, pushimin ndërkombëtar… ne kemi punuar për një muaj e gjysmë”.
“Larg të qenit një produkt i përfunduar, ne jemi një produkt fillestar ku jemi në një fazë paraprake ku trajneri po na njeh, po na analizon dhe po zhvillon strategji… Lojtarët gjithashtu po më njohin mua”.
“Krahasimi i një skuadre si kjo me një që ka qenë së bashku për më shumë vite nuk më duket i drejtë”, përfundoi Mourinho. /Telegrafi/