Është rivarrosur Liridona Deliu, e cila pa I mbushur dy vjet ndërroi jetë gjatë luftës në Kosovë, si pasojë e rrethanave të luftës.
Ajo u rivarros në fshatin Kopiliq të Skenderajt.
Komisioni Qeveritar për Persona të Zhdukur, Drejtoria e Policisë për Hetimin e Krimeve të Luftës dhe Instituti për Mjekësi Ligjore, përmes një angazhimi të përbashkët, kanë mundësuar gjetjen dhe identifikimin e mbetjeve mortore përmes analizës së ADN-së, si dhe rivarrimin e sotëm, në respektim të kërkesës së familjes Deliu. /Zëri
Postimi i plotë:
Rivarroset Liridona Deliu
(21.11.1997 – Prill 1999)
Sot, në fshatin Kopiliq të Skenderajt, janë rivarrosur mbetjet mortore të Liridona Deliut, e cila, pa i mbushur dy vjet, ndërroi jetë gjatë luftës në Kosovë, si pasojë e rrethanave të luftës.
Që nga përfundimi i luftës, familja nuk e dinte vendndodhjen e mbetjeve mortore të Liridonës, duke jetuar për vite me radhë me dhimbjen për të dhe pamundësinë për të pasur një vend ku ta nderonte kujtimin e saj.
Familja kishte kërkuar mbështetjen e institucioneve për gjetjen dhe identifikimin e mbetjeve të saj mortore.
Komisioni Qeveritar për Persona të Zhdukur, Drejtoria e Policisë për Hetimin e Krimeve të Luftës dhe Instituti për Mjekësi Ligjore, përmes një angazhimi të përbashkët, kanë mundësuar gjetjen dhe identifikimin e mbetjeve mortore përmes analizës së ADN-së, si dhe rivarrimin e sotëm, në respektim të kërkesës së familjes Deliu.
Në këtë ditë të dhimbshme, qëndrojmë pranë familjes Deliu.