KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Pas më shumë se një jave me rrjedhje të kanalizimit në Rrugën B, Komuna e Prishtinës nis punimet për sanim

Pas më shumë se një jave me rrjedhje të kanalizimit në Rrugën B, Komuna e Prishtinës nis punimet për sanim

Komuna e Prishtinës ka njoftuar se kanë nisur punimet për sanimin e rrjetit të kanalizimit në Rrugën B, pas shqetësimeve të qytetarëve për rrjedhjet dhe erën e rëndë që është përhapur në këtë pjesë të kryeqytetit.

Përmes një postimi në Facebook, komuna ka bërë të ditur se ekipet e saj, në bashkëpunim me Kompaninë Rajonale të Ujësjellësit “Prishtina”, janë duke punuar në terren për zgjidhjen e problemit dhe rikthimin e funksionimit të rrjetit.

“Kanë nisur punimet për sanimin e kanalizimit në rrugën B! Ekipet e Kryeqytetit, në bashkëpunim me KRU ‘Prishtina’, po punojnë në terren për zgjidhjen e problemit dhe rikthimin e funksionimit të rrjetit”, thuhet në njoftimin e komunës.

Problemi në këtë pjesë të Rrugës B kishte vazhduar për më shumë se një javë, ndërsa rrjedhjet e kanalizimit kishin shkaktuar erë të rëndë dhe shqetësim te qytetarët që frekuentojnë zonën.

Qytetarët kishin ngritur shqetësime edhe për përsëritjen e problemit, duke kërkuar ndërhyrjen e institucioneve përgjegjëse për zgjidhjen e tij.

Njoftimi i komunës vjen pas publikimit të raportimit për gjendjen në këtë pjesë të kryeqytetit. Megjithatë, komuna nuk ka bërë të ditur se kur pritet të përfundojnë punimet dhe nëse do të ndërmerren masa për të parandaluar përsëritjen e problemit. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.