Pak pas orës 16:00 të ditës së shtunë, në Qendrën e Numërimit dhe Rezultateve (QNR) ka nisur numërimi i fletëvotimeve që i takojnë votimit përmes postës.
Sipas rezultateve nga kutia e parë e numëruar, Lëvizja Vetëvendosje kryeson bindshëm me 255 vota, që përbëjnë 85.00 për qind të totalit të votave të kësaj kutie.
Në vendin e dytë renditet Lidhja Demokratike e Kosovës (LDK) me 30 vota apo 10.00 për qind, ndërsa Partia Demokratike e Kosovës (PDK) ka marrë 10 vota, që përbëjnë 3.33 për qind.
Më pas renditen:
AAK – Aleanca për Ardhmërinë e Kosovës me 2 vota (0.67%)
FJALA me 1 votë (0.33%)
Lëvizja Përparimtare e Romëve të Kosovës me 1 votë (0.33%)
Nisma Socialdemokrate (NISMA) me 1 votë (0.33%)
Numërimi i votave me postë pritet të vazhdojë edhe në ditët në vijim, ndërsa rezultatet e plota do të jenë përcaktuese për çdo ndryshim eventual në shpërndarjen përfundimtare të mandateve në Kuvendin e Kosovës./Telegrafi/