Bournemouthi e fitoi ndeshjen e tij të parë në Premierligë këtë edicion në tentativën e shtatë (3 barazime, 3 humbje) pasi mposhti Sunderlandin me 10 lojtarë me rezultat 2-0 në stadiumin “Vitality”.
Të vendosur për të shmangur serinë e tyre të parë të humbjeve të njëpasnjëshme në shtëpi në elitë që nga prilli i vitit 2025, “Cherries” e nisën ndeshjen në mënyrë perfekte brenda vetëm gjashtë minutave, kur një konfuzion ku u përfshil Kevin Danso në zonën e Sunderlandit bëri që Evanilson të krosonte për Marcus Tavernier, i cili goditi me kokë për të kaluar ekipin në epërsi të hershme.
Në përgjithësi, Danso ishte mjaft i përfshirë në minutat e para të ndeshjes – por jo për arsyet e duhura, pasi ai u ndëshkua me karton të kuq kur rrëzoi Evanilsonin si lojtari i fundit në hyrje të zonës.
Bournemouth nuk mundi të kapitalizonte menjëherë, pasi Robin Roefs ndali dy herë goditjet e Rayan nga distanca, ndërsa Adam Smith gjithashtu goditi mbi traun e portës nga një pozicion i mirë.
Sidoqoftë, Sunderlandi përsëri ishte armiku më i madh i vetvetes në pjesën e dytë, kur Omar Alderete bëri një pasim prapa pa shikuar direkt në rrugën e Evanilsonit, dhe ky i fundit me qetësi kaloi Roefsin përpara se ta dërgonte topin në rrjetë për golin e dytë të Bournemouth.
Me pikët që dukej se ishin të destinuara për “Cherries”, “Black Cats” kishin për t’iu falënderuar portierit të tyre për mbajtjen e rezultatit të ulët pas minutës së 60-të, pasi ai i mohoi Tavernierit golin e dytë personal nga afërsia.
Evanilson madje tentoi një goditje spektakolare “akrep” dhe nuk ishte larg shënimit, me topin që fluturoi ngushtë pranë shtyllës.
Bournemouthi filloi ta ulë ritmin e lojës dhe i lejoi Sunderlandit disa goditje standarde, por vizitorët dështuan t’i shfrytëzonin ato pasi Enzo Le Fee dhe Trai Hume nuk e gjetën kuadratin e portës.
Ashtu si në Evropë në mesjavë, ishte një pasdite e lehtë në fund për vendasit, të cilët marrin vetëm fitoren e tyre të dytë në shtëpi në përballjet direkte në shtatë ndeshje zyrtare (1 barazim, 4 humbje) dhe parakalojnë Sunderlandin duke dalë nga zona e rënies nga liga.
“Black Cats” gjithashtu fituan në Ligën e Evropëd, por tani janë vetëm një vend mbi fundin e tabelës së Premierligës, pasi pësuan humbjen e katërt radhazi në ligë.