Pau Victor ka dhënë një pasqyrë interesante mbi metodat kërkuese të Hansi Flick te Barcelona, duke zbuluar se trajneri gjerman i ka shtyrë lojtarët deri në limit gjatë seancave stërvitore.
Victor, i cili tashmë po shijon sezonin e tij të dytë te Braga, vazhdon të jetë i lidhur ngushtë me Barcelonën dhe ka rikujtuar përvojën e tij duke punuar nën drejtimin e Flick gjatë kohës së tij në klub.
Duke folur për “Que t’hi Jugues”, Victor tha se intensiteti i Flick ishte i dukshëm që në seancat stërvitore.
“Flick kërkon shumë nga ti në stërvitje. Në më shumë se një seancë jam larguar i trullosur”, tha ai, duke iu referuar edhe imazhit viral ku shfaqej së bashku me Gavin të shtrirë në fushë, me këmbët e ngritura, teksa merrnin veten pas stërvitjes.
Víctor beson se Flick vlerëson veçanërisht lojtarët që tregojnë gatishmëri për të punuar edhe përtej seancës së zakonshme stërvitore.
“Flick i pëlqen lojtarët punëtorë, ata që qëndrojnë në palestër edhe pas stërvitjes. Ai i vlerëson shumë këto detaje të vogla”.
Víctor përmendi gjithashtu Gerard Martin si shembull të një lojtari që ka përfituar nga kjo mentalitet. Dy ish-shokët e skuadrës vazhdojnë të jenë miq të afërt dhe Víctor është impresionuar nga paraqitjet e Martin, i cili është shndërruar në një alternativë të rregullt për Barcelonën.
“Sigurisht që nuk e prisja, por nuk jam i befasuar nga paraqitjet e jashtëzakonshme që po bën”.
“Cilësia e tij më e madhe është se punon në heshtje dhe dëshiron të përmirësohet çdo ditë. I është dashur të punojë shumë për ta arritur këtë dhe bën shumë seanca duke analizuar videot”, tha Victor./Telegrafi/