TRAJTIMI I GODITJES NË TRU (ALTAJ)
Për ata që kanë përjetuar goditje në tru, ngritja në këmbë me forcat e veta, hapi i parë i sigurt apo përdorimi i sërishëm i dorës nuk janë arritje të vogla, por janë pika kycë që përcaktojnë kthimin në jetën e përditshme. Sfida të ngjashme kanë edhe personat me dëmtime të palcës kurrizore, paraplegji ose kuadriplegji, si dhe fëmijët me gjendje neurologjike të lindura, tek të cilët lëvizja zhvillohet ndryshe.
Pikërisht këtu fillon roli i qasjes bashkëkohore në rehabilitim — procesi i kthimit ose përmirësimit të funksioneve të dëmtuara si pasojë e sëmundjes apo lëndimit të sistemit nervor pas goditjes në tru, lëndimit të trurit apo të palcës kurrizore, sklerozës multiple, sëmundjes së Parkinsonit apo paralizës cerebrale. Në vend të terapisë klasike me një seri procedurash që sjellin përmirësime minimale, kjo qasje më e re në neurorehabilitim ndjek atë që pacienti dëshiron të arrijë sërish dhe atë që realisht mund të bëjë. Në institucionin shëndetësor privat për mjekësi fizike dhe rehabilitim robotik „PhysioS Plus“, programi fillon me kontroll fiziatrik dhe vlerësim funksional, e më pas përshtatet individualisht sipas moshës, gjendjes dhe me qëllimet konkrete të pacientit.
Vlerësimi funksional duhet të tregojë se sa mund të marrë pjesë aktivisht pacienti, cilat funksione janë të ruajtura, si është tonusi muskulor, stabiliteti dhe ekuilibri te çdo pacient individualisht. Te paraplegjia, fokusi është në përmirësimin e motorikës së gjymtyrëve të poshtme dhe kontrollit të trungut të trupit, ndërsa te kuadriplegjia programet përfshijnë edhe krahët e duart. Te paraliza cerebrale dhe gjendjet e tjera të lindura merren parasysh zhvillimi motorik, rritja dhe nevojat që ndryshojnë me moshën.
Meqenëse bëhet fjalë për lëndime apo vështirësi gjatë lëvizjes, terapia e asistuar nga robotika mundëson që lëvizjet e ndihmuara aktivisht të dozohen me precizion dhe që pacienti të kryejë një numër më të madh lëvizjesh të synuara sesa do të mund të bënte vetë në atë fazë të rikuperimit.
Përparimi me përdorimin e metodave bashkëkohore në neurorehabilitim sjell rezultate më të shpejta dhe më të sigurta. Ndonjëherë kjo është një zhvendosje më e sigurt nga krevati në karrige, qëndrim më i gjatë në këmbë, kontroll më i mirë i dorës apo disa hapa me më pak ndihmë. Por pikërisht këto ndryshime mund të uqin varësinë nga kujdesi i të tjerëve dhe ta ndihmojnë pacientin të arrijë kontrollin mbi jetën e tij.
Masa për një rehabilitim të suksesshëm nuk është numri i aparateve apo procedurave, por funksioni që pacienti ka arritur: a lëviz më sigurt, a e përdor më mirë dorën dhe a mund të marrë pjesë më në mënyrë të pavarur në jetën familjare, shkollore, profesionale dhe shoqërore.
FizioS Plus është klinikë për trajtimin dhe rehabilitimin e problemeve fizike, fizioterapike dhe neurofizike që gjendet në rrugën Jordan Mialkov nr.8 | centar@fizios.mk | 003892 2 820 0999 | www.fizios.mk |
