Faza e grupeve të Kupës së Kombeve të Afrikës nuk ka mbaruar ende, por të gjitha kombëtaret pjesëmarrëse të fazës së 1/8-tës, ose fazës eliminatore, janë mësuar tashmë.
Ekipet e Senegalit, Republikës Demokratike të Kongos dhe Beninit konfirmuan progresin e tyre të martën mbrëma, dhe sot mbetet vetëm të zhvillohen zyrtarisht ndeshjet e raundit të tretë në grupet E dhe F, ku gjithçka është tashmë e qartë.
Që nga mbrëmë, dihet se në fazën e 1/8-tës do të luajnë Maroku, Mali, Egjipti, Afrika e Jugut, Nigeria, Tunizia, Tanzania, Senegali, Republika Demokratike e Kongos, Benini, Algjeria, Burkina Faso, Sudani, Kameruni, Bregu i Fildishtë dhe Mozambiku.
Është gjithashtu e qartë se katër çiftet e fazës së 1/8-tës do të përbëhen nga ekipet e mëposhtme: Mali-Tunizi, Maroku-Tanzania, Egjipti-Benini dhe Algjeria-RD e Kongos.
Pas dueleve të mbrëmjes së sotme (e mërkurë), do të dihen katër çiftet e mbetura. /Telegrafi/