Kaia Gerber u shfaq në një mbrëmje në Beverly Hills dhe me kombinimin e saj të guximshëm tërhoqi menjëherë vëmendjen
Vajza e supermodeles së famshme Cindy Crawford po bëhet gjithnjë e më shumë një emër i njohur si në botën e modës, ashtu edhe në industrinë e filmit. Kaia Gerber shihet shpesh në ngjarje të mëdha, ku zakonisht tërheq vëmendjen me zgjedhjet e saj të veçanta të veshjes.
Së fundmi, ajo mori pjesë në një mbrëmje të organizuar në një restorant në Beverly Hills, ndërsa për këtë rast zgjodhi një krijim që linte pak vend për imagjinatë.
Bëhej fjalë për një fustan të gjatë të zi, me prerje të thjeshtë dhe të ngushtë pas trupit, që vinte në pah siluetën e saj elegante. Pjesa e pasme e hapur i shtonte veshjes një dozë sensualiteti.
profimedia
Megjithatë, elementi që tërhoqi më shumë vëmendje ishte vetë materiali i fustanit. Pëlhura ishte transparente, duke bërë që të dalloheshin edhe të brendshmet e modeles.
Kaia u përpoq ta mbulonte pjesërisht trupin gjatë paraqitjes, por transparenca e materialit e bëri këtë pothuajse të pamundur.
Për ta kompletuar dukjen, ajo zgjodhi këpucë me taka të larta në ngjyrë të kuqe dhe një çantë të vogël me motiv kafshësh, duke i dhënë kombinimit edhe më shumë karakter.
profimedia
/Telegrafi/