Joshua Zirkzee mund të largohet nga Manchester United gjatë kësaj vere, por holandezi mund të vazhdojë karrierën në Ligën Premier.
25-vjeçari ende është pjesë e Manchester United, por nuk ka arritur të bindë që prej transferimit nga Bologna në vitin 2024.
Zirkzee ka shënuar vetëm 9 gola në 75 paraqitje me fanellën e “Djajve të Kuq”, ndërsa forma e tij bëri që ai të mbetej jashtë skuadrës së Holandës për Kupën e Botës.
Edhe pse e ka nisur sezonin si lojtar i Unitedit, pritet që e ardhmja e tij të jetë larg “Old Trafford”.
Sipas Fabrizio Romanos, Zirkzee ka tërhequr interesim nga disa klube italiane dhe prej kohësh është përfolur për një rikthim në Serie A. Megjithatë, tani në garë ka hyrë edhe Aston Villa.
Klubi nga Birminghami ka kontaktuar Manchester Unitedin për mundësinë e transferimit të sulmuesit holandez. Megjithatë, një lëvizje e tillë lidhet drejtpërdrejt me të ardhmen e Ollie Watkins.
Ëatkins është objektivi kryesor i Al-Hilalit, i cili tashmë ka bërë katër oferta për sulmuesin anglez. Oferta e fundit, prej rreth 45 milionë eurosh, është refuzuar nga Villa, por klubi saudit pritet të rikthehet me një tjetër propozim.
Nëse Watkins largohet, Aston Villa mund ta shohë Zirkzeen si një prej opsioneve për ta zëvendësuar.
Villa ka humbur disa prej lojtarëve kryesorë gjatë kësaj vere, përfshirë Morgan Rogers, Youri Tielemans, Lucas Digne dhe së fundmi Ezri Konsa, i cili u transferua te Arsenali./Telegrafi/