KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Ekonomi

Ministri i Bujqësisë viziton Kovragën pas dëmeve nga breshëri

Ministri i Bujqësisë viziton Kovragën pas dëmeve nga breshëri

Ministri i Bujqësisë, Armend Muja, ka vizituar këtë të martë fshatin Kovragë të Istogut, i cili u godit nga stuhia e fuqishme me breshër që shkaktoi dëme të konsiderueshme në kulturat bujqësore dhe pemishtet e zonës.

Gjatë vizitës, ministri u takua me fermerët e prekur dhe pa nga afër pasojat e motit të lig, duke dëgjuar shqetësimet e tyre lidhur me humbjet e pësuara.

Ai u informua për shkallën e dëmtimeve në arat dhe prodhimet bujqësore, të cilat në shumë raste janë dëmtuar rëndë.

Muja theksoi se institucionet përgjegjëse do të angazhohen për vlerësimin e dëmeve në terren, në mënyrë që fermerët e prekur të trajtohen sipas procedurave dhe mekanizmave në fuqi.

Fermerët kërkuan mbështetje institucionale për tejkalimin e pasojave të stuhisë, duke theksuar se dëmet e shkaktuara nga breshëri kanë rrezikuar seriozisht prodhimin e këtij sezoni.

Vizita në Kovragë vjen pas reshjeve intensive me breshër që goditën disa pjesë të Komunës së Istogut, duke lënë pas dëme të mëdha në sektorin e bujqësisë. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.