KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Emocione dhe krenari, iso-polifonia në filmin Odiseu, mjeshtri Vendim Kapaj zbulon detajet

Emocione dhe krenari, iso-polifonia në filmin Odiseu, mjeshtri Vendim Kapaj zbulon detajet

Filmi më i ri i regjisorit Christopher Nolan, “Odisea”, sjell në kolonën e tij zanore tingujt unikë të iso-polifonisë shqiptare. Regjistrimet janë realizuar në Vlorë nga mjeshtri i fyellit dhe culës dyjare, Vendim Kapaj.

Për rreth pesë orë, regjistrimet u zhvilluan në Teqenë e Kuzum Babait, në praninë edhe të kompozitorit Ludwig Göransson, autor i kolonës zanore të filmit.

Kërkimi për një identitet epik muzikor e çoi ekipin krijues drejt zgjedhjes së polifonisë shqiptare, si elementi që i jepte filmit atmosferën e dëshiruar.

Mjeshtri Vendim Kapaj tregon se si u kontaktua nga ekipi realizues dhe kujton momentet e veçanta të regjistrimeve, të cilat u zhvilluan në orët e para të mëngjesit në Vlorë.

Kapaj shprehet se ekipi realizues ishte i mahnitur nga kjo muzikë e veçantë shqiptare dhe tregoi përkushtim maksimal gjatë gjithë procesit pesëorësh të regjistrimit. Sinkron – Vendim Kapaj

Kolona zanore që ndërthur tingujt e iso-polifonisë shqiptare do të mbetet një dëshmi e rëndësishme e prezantimit të kësaj pasurie kulturore në kinemanë botërore.

Vetë Kapaj shprehet i lumtur që u bë pjesë e këtij projekti dhe e një kasti të jashtëzakonshëm, por mbi të gjitha krenar që muzika tradicionale shqiptare është tashmë pjesë e një prej filmave më të mëdhenj të Hollywood-it.

“Odisea” ka nisur tashmë shfaqjen në kinema me një kast të njohur aktorësh dhe nën regjinë e Christopher Nolan.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.