Një person është arrestuar në Prishtinë nën dyshimin për kërcënim me mjet të mprehtë dhe mbajtje të paautorizuar të armës.
Sipas Policisë, rasti ka ndodhur më 28.06.2026 rreth orës 19:06, pas një mosmarrëveshjeje mes dy personave meshkuj kosovarë, ku i dyshuari i ka drejtuar një thikë viktimës.
Në vendin e ngjarjes ka ndërhyrë një zyrtar policor jashtë detyrës zyrtare, i cili ka arritur ta vërë situatën nën kontroll deri në ardhjen e njësive policore.
Policia ka bërë të ditur se rasti po trajtohet nga ekipet relevante hetimore, ndërsa veprimet e mëtejshme po ndërmerren në koordinim me prokurorinë. /Telegrafi/
Burimi: telegrafi.com ↗