Paris Hilton ishte sensacioni i mbrëmjes në ndarjen e çmimeve të para amerikane TikTok Awards në Hollywood Palladium të enjten.
44-vjeçarja tërhoqi vëmendjen e të gjithë të pranishmëve me një kostum tërheqës kuq e zi, me fund asimetrik që nxirrte në pah këmbët e saj dhe këpucë të zeza gjigante.
Ajo kompletoi dukjen me doreza të gjata dhe geta transparente, ndërsa flokët biondë binin lirshëm mbi supet e saj, shkruan DailyMail.
Hilton u nderua me titullin Inspirimi i Vitit, duke dhënë frymëzim për përdoruesit e TikTok dhe duke u bërë pjesë e një parade yjesh të njohura.
Ngjarja solli në tapetin e kuq emra të njohur si Jeremiah Brown, fitues i çmimit “Ylli në Ngritje i Vitit”, Jordan Chiles me partnerin e saj Ezra Sosa, Cedric the Entertainer dhe Tan France i “Queer Eye”, të gjithë të veshur me stil dhe elegancë.
Mbrëmja ishte një përzierje e yjeve të rinj dhe veteranëve të showbizit, ku Paris Hilton arriti të shkëlqente jo vetëm për stilin e saj, por edhe për prezencën ikonike që e ka bërë të njohur ndër dekada. /Telegrafi/
