Granit Xhaka do të shkruajë histori me Kombëtaren e Zvicrës, pasi Botërori i vitit 2026 do të jetë i katërti në karrierën e tij.
Mesfushori kosovar ka përfaqësuar Zvicrën në Kampionatet Botërore të viteve 2014, 2018 dhe 2022, ndërsa tani është gati për paraqitjen e radhës në turneun më të madh të futbollit.
Deri më tani, Xhaka ka zhvilluar 12 ndeshje në tre Botërorët ku ka marrë pjesë dhe ka realizuar dy gola me fanellën e Zvicrës.
Me pjesëmarrjen në Botërorin e ardhshëm, ai do të barazojë rekordin e Xherdan Shaqiri dhe Valon Behrami si lojtarët me më së shumti paraqitje të Zvicrës në Kupën e Botës.
Zvicra ndodhet në Grupin B së bashku me Bosnjën dhe Hercegovinën, Kanadanë dhe Katarin, ku synon një tjetër paraqitje të suksesshme në skenën botërore. /Telegrafi/