Komuna e Prizrenit ka njoftuar se punimet në Qendrën e Mjekësisë Familjare (QMF) në lagjen Lakuriq po vazhdojnë me intensitet të lartë, me ndërhyrje në disa pjesë të objektit.
Sipas Komunës, në kuadër të investimit është bërë ndërrimi dhe izolimi i kulmit, ndërsa janë vendosur dyer dhe dritare të reja. Po ashtu, është realizuar izolimi i mureve dhe fasadimi i objektit.
Ndërhyrje janë bërë edhe në sistemin e ngrohjes qendrore, ku janë ndërruar pjesë të makinerisë me synim sigurimin e një funksionimi më stabil.
Aktualisht, punimet po vazhdojnë edhe në përmirësimin e ndriçimit të QMF-së.
Sipas Komunës së Prizrenit, investimi synon krijimin e kushteve më të mira për pacientët dhe stafin shëndetësor. /Telegrafi/
Burimi: telegrafi.com ↗