Këngëtarja shqiptare me famë ndërkombëtare, Dua Lipa, ka festuar ditëlindjen dhe urimet për të kanë ardhur nga fansa e artistë të shumtë.
Një urim i veçantë ka ardhur edhe nga NiuDance, grupi i kërcimit që është bërë i njohur në rrjetet sociale për videot e tyre energjike dhe performancat festive.
Përmes një videoje të publikuar në Instagram, ata kanë zgjedhur ta urojnë artisten shqiptare në një mënyrë krejt të veçantë, përmes kërcimit.
Në përshkrimin e videos shkruhet shkurt “Happy birthday Dua Lipa”, ndërsa në pamje anëtarët e grupit shfaqen duke performuar me energji dhe duke i kushtuar këngëtares këtë urim.
Postimi është shoqëruar edhe me etiketimin e Dua Lipës, ndërsa performanca ka tërhequr vëmendjen e ndjekësve në rrjetet sociale.
NiuDance është një grup kërcimtarësh nga Gana, i njohur për koreografitë dhe videot virale në rrjetet sociale, ku shpesh realizojnë performanca për raste festive dhe për figura të njohura. /Telegrafi/