KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Ukshini: BE-ja e ka humbur kredibilitetin në Kosovë, tani është momenti për ta rikthyer besimin

Ukshini: BE-ja e ka humbur kredibilitetin në Kosovë, tani është momenti për ta rikthyer besimin

Ish-diplomati Sylë Ukshini ka vlerësuar se Bashkimi Evropian e ka humbur kredibilitetin në Kosovë dhe se aktualisht ekziston një nivel i lartë mosbesimi ndaj tij, si te qytetarët, ashtu edhe te klasa politike.

Në FIVE të TV Dukagjinit, Ukshini ka thënë se BE-ja mund të përpiqet ta rikthejë besimin e humbur dhe se kërkesa e kryeministrit Albin Kurti për shqyrtimin e aplikimit të Kosovës për anëtarësim mund të vijë në një moment të përshtatshëm.

“Bashkimi Evropian ka humbur kredibilitetin në Kosovë. Dhe nëse ka ndonjëherë moment mosbesimi ndaj BE-së, ka tash. Edhe te klasa politike, edhe te qytetarët”, ka deklaruar Ukshini.

Sipas tij, Bashkimi Evropian do të përpiqet ta përmirësojë marrëdhënien me Kosovën, ndërsa kërkesa për shqyrtimin e aplikimit mund të shërbejë si një mundësi për këtë.

“Dhe kërkesa e sforcuar e Kurtit që të hapen, që të shqyrtohet kërkesa e Kosovës, ndoshta është momenti i duhur. Sepse në këto rrethana BE-ja do të provojë ta pajtojë Kosovën. Në kuptim që të mos bëhet që është anti-Kosovë, në kohën kur veprimet e BE kanë kundër shtetësisë së Kosovës”, është shprehur ai.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.