Thomas Tuchel ka përjashtuar mundësinë e largimit nga Anglia para Euro 2028, duke theksuar se në kontratën e tij nuk ka asnjë klauzolë largimi, kjo në mes të spekulimeve për mundësi të tjera në nivel klubesh.
Trajneri gjerman nënshkroi një kontratë të re dyvjeçare në muajin shkurt dhe e bëri të qartë qëndrimin e tij kur u pyet për një kalim të mundshëm te Manchester United.
“Nuk ka asnjë klauzolë largimi. Dhe nuk kam ndërmend të largohem. E kam nënshkruar kontratën. Dua të qëndroj deri në Kampionatin Evropian,” u tha Tuchel gazetarëve.
Selektori i Anglisë pranoi se i mungon intensiteti i futbollit të klubeve, por theksoi përkushtimin e tij ndaj kombëtares.
“Kemi punë të pambaruar,” shtoi ai.
/GazetaBlic Sport
Burimi: gazetablic.com ↗