Taylor Swift ishte ndër emrat më të komentuar në Galanë e Muzeut të Akademisë 2026 në Los Angeles, ku u shfaq me një fustan blu të hapur pa rripa nga Dior.
Këngëtarja 36-vjeçare e kombinoi veshjen me vathë diamanti, detaje të shndritshme në pjesën e sipërme të fustanit dhe flokë më të shkurtër, të stiluar me onde të buta.
Për grimin, Swift zgjodhi vijëzimin e theksuar të syve dhe një nuancë rozë-vjollcë për buzët, duke lënë mënjanë buzëkuqin e kuq që e karakterizon shpesh, shkruan DailyMail.
Në tapetin e kuq, ajo u shfaq pak minuta para Kim Kardashian, me të cilën ka pasur një përplasje publike prej më shumë se një dekade.
Kim Kardashian, 45 vjeçe, zgjodhi një stil të frymëzuar nga Hollivudi i vjetër, me një fustan pa rripa, pala dhe një fjongo rozë të çelët në pjesën e pasme.
Ajo e kompletoi paraqitjen me flokë të stiluar në mënyrë të rregullt dhe bizhuteri diamanti, mes të cilave spikaste një gjerdan në formë dore.
Edhe Kate Hudson ishte ndër të veshurat më të komentuara të mbrëmjes, me një fustan të kuq pa rripa dhe flokë bionde të stiluar me onde retro, të frymëzuara nga aktorja Veronica Lake.
Ndërkohë, Jessica Biel u shfaq me një fustan të zi me të çarë të lartë deri në kofshë, të kombinuar me taka Christian Louboutin dhe një aksesor të zi me pupla.
Në mesin e të ftuarve ishte edhe Sarah Pidgeon, e njohur nga roli i Carolyn Bessette Kennedy në serialin Love Story, e cila zgjodhi një fustan të kuq me xixa.
Gala vjetore organizohet për të mbështetur ekspozitat, shfaqjet filmike dhe programet e Muzeut të Akademisë në Los Angeles. /Telegrafi/
