KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Moti

Suhareka formon komisione për vlerësimin e dëmeve nga stuhia, Muharremaj kërkon kujdes nga qytetarët

Suhareka formon komisione për vlerësimin e dëmeve nga stuhia, Muharremaj kërkon kujdes nga qytetarët

Kryetari i Komunës së Suharekës Bali Muharremaj ka njoftuar se janë formuar komisione për evidentimin dhe vlerësimin e dëmeve të shkaktuara nga stuhia dhe reshjet e shiut që kanë përfshirë këtë komunë.

Sipas Muharremajt, dëmet do të vlerësohen në disa fusha përfshirë sektorin e bujqësisë, institucionet publike dhe arsimore, bizneset, hapësirat publike dhe zona të tjera të prekura.

Komisionet e angazhuara, në koordinim me kryetarët e fshatrave, do të dalin në terren për të parë nga afër gjendjen dhe për të evidentuar pasojat e shkaktuara nga kushtet e rënda atmosferike.

“Komisionet e formuara në kontakt me kryetarët e fshatrave do të dalin në terren dhe do të bëjnë vlerësimin e gjendjes dhe dëmeve të shkaktuara”, ka shkruar Muharremaj.

Kryetari i Suharekës ka bërë thirrje për kujdes të shtuar nga qytetarët, duke u bazuar në paralajmërimet e Institutit Hidrometeorologjik të Kosovës se reshje dhe stuhi mund të ketë edhe gjatë ditës së sotme.

Ai ka kërkuar që qytetarët të veprojnë me qetësi dhe të respektojnë rekomandimet e institucioneve përgjegjëse për përballimin e situatave të tilla. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.