Përfaqësuesja e drejtuar nga Luis de la Fuente ka arritur një rekord të jashtëzakonshëm, duke regjistruar 43 ndeshje zyrtare radhazi pa humbje, një seri që e vendos në mesin e skuadrave më dominuese që ka njohur futbolli.
Seria historike nisi pas humbjes së fundit më 28 mars 2023 dhe deri para ndeshjes së fundit përbëhej nga 36 fitore dhe shtatë barazime. Gjatë kësaj periudhe, Spanja ka arritur të fitojë tri trofe madhorë: Ligën e Kombeve, Kampionatin Evropian dhe Kupën e Botës shkruan IndeksOnline.
Ndeshja e fundit e Spanjës ishte ajo kundër Republikës së Çekisë, e zhvilluar të enjten, në kuadër të Ligës së Kombeve. Spanjollët triumfuan me rezultat 2-0, duke vazhduar serinë e tyre fantastike.
Tashmë, pas triumfit ndaj Çekisë, Spanja e ka çuar serinë në 44 ndeshje zyrtare pa humbje, sipas raportimeve pas takimit.
Sfida e radhës për spanjollët është përballja me Anglinë, më 15 nëntor, në një tjetër ndeshje të Ligës së Kombeve, ku kampionët e botës do të kërkojnë ta zgjasin edhe më shumë serinë e tyre historike./IndeksOnline/