Dy policë spanjollë qëllohen gjatë operacionit kundër një grupi hajdutësh.
Dy policë spanjollë janë plagosur në Terrasa, gjatë një operacioni për arrestimin e një grupi të dyshuar për vjedhje të ngarkesave nga kamionët.
Sipas raportimeve, policët po përpiqeshin të arrestonin grupin kur të dyshuarit hapën zjarr ndaj tyre.
Gjatë incidentit, njëri prej policëve u sulmua gjithashtu me katana (shpatë tradicionale japoneze).
Grupi dyshohet se merrej me të ashtuquajturën “teloneros”, një formë vjedhjeje në të cilën autorët presin mbulesat e kamionëve për të hyrë te ngarkesa dhe për të vjedhur mallrat.
Autoritetet spanjolle kanë nisur hetimet për incidentin dhe po punojnë për identifikimin dhe arrestimin e të dyshuarve. /Telegrafi/