KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Si ndodhi që transferimi i Andi Hotit futi në luftë dy klube gjermane

Si ndodhi që transferimi i Andi Hotit futi në luftë dy klube gjermane

Mbrojtësi i Kombëtares së Kosovës, Andi Hoti, ka bërë zyrtarisht kalimin në Eintracht Braunschweig, duke i bashkuar skuadrës gjermane nga Magdeburgu.

Sipas raportimeve, ai ka nënshkruar një kontratë katër vjeçare, të vlefshme deri më 30 qershor 2028, dhe do të veshë fanellën me numrin 4. Megjithatë, ky transferim ka krijuar jo pak probleme mes dy klubesh rivale në Bundesliga 2.

Sipas gazetës gjermane “Bild”, Dynamo Dresden ishte i gatshëm të ofronte rreth 250 mijë euro për Hotin, por Magdeburgu preferoi ta shiste te Braunschweigu, duke e konsideruar Dresdenin një kundërshtar më të rrezikshëm në luftën për mbijetesë në ligën e dytë.

“Bild” raporton se ky vendim ka çuar në një çarje të marrëdhënieve ndërmjet Magdeburgut dhe Dynamo Dresden.

“Dynamo nuk ka më nevojë të përpiqet të afrojë lojtarë të Magdeburgut, sepse marrëdhënia tani është prishur në mënyrë të pakthyeshme,” shkruan gazeta.

Të tre skuadrat – Braunschweig, Magdeburg dhe Dynamo Dresden – po luftojnë aktualisht për të shmangur rënien në kategorinë e tretë të futbollit gjerman.

Andi Hoti, 22 vjeç, ka një ndeshje me ekipin A të Kosovës dhe 15 ndeshje me ekipin U21. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.