Sulmuesi i Manchester Unitedit, Bryan Mbeumo, ka ngjallur pakënaqësi te tifozët e klubit, pasi publikoi një foto rreth mesnatës duke u bërë gati për të luajtur videolojën e re “GTA 6”, vetëm pak orë para stërvitjes së parë me trajnerin e ri, Mauricio Pochettino.
Teksa tekniku argjentinas nis aventurën në “Old Trafford” në prag të derbit vendimtar ndaj Liverpoolit dhe me skuadrën në zonën e rënies (vendi i 18-të), Mbeumo iu bashkua mijëra personave që shkarkuan lojën e shumëpritur në lansimin e saj në mesnatë.
Postimi i tij shkaktoi reagime të shumta kritike në rrjetet sociale. “Jemi në zonën e rënies, kemi ndeshjen me Liverpoolin në fundjavë, trajneri i ri sapo ka mbërritur dhe Mbeumo rri zgjuar pas mesnatës me GTA 6”, shkroi një tifoz, transmeton IndeksOnline.
Bryan Mbeumo is all of us right now 😂❤️ pic.twitter.com/t1CD3jA9MJ
— (fan) Frank 🧠🇾🇪 (@FrankEra_) November 18, 2026
“Ke stërvitje nesër, shko fli” dhe “Këta djem duhet ta kuptojnë situatën”, kanë shënuar tifozët.
Megjithatë, nuk ka asnjë të dhënë se sa gjatë – apo nëse fare – Mbeumo ka vazhduar të luajë para stërvitjes së mëngjesit të së enjtes. /IndeksOnline/

