KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Shkak minutazha e ulët, Albion Rrahmani drejt largimit nga Venezia

Shkak minutazha e ulët, Albion Rrahmani drejt largimit nga Venezia

Sulmuesi Albion Rrahmani pritet që në janar të bëhet me skuadër të re, pasi nuk ka arritur të lërë gjurmë te klubi i Serie A, Venezia.

Sulmuesi 26-vjeçar nuk ka pasur shumë minuta që kur iu bashkua Venezias, duke regjistruar vetëm tetë paraqitje në kampionat, me gjithsej 130 minuta të luajtura dhe pa shënuar asnjë gol.

Sipas gazetarit të njohur të transferimeve, Nicolo Schira, Venezia ka nisur të kërkojë një tjetër qendërsulmues dhe tashmë ka pyetur për mundësinë e transferimit të Artem Dovbykut, i cili aktualisht po kalon një periudhë të vështirë te Bologna, ku është i huazuar nga Roma.

Për sulmuesin ukrainas ka interesim edhe nga Valencia, ndërsa të dy klubet preferojnë ta transferojnë atë në formë huazimi, me të drejtë blerjeje në fund të sezonit.

Kjo lëvizje mund ta komplikojë edhe më shumë situatën e Rrahmanit, i cili do të përballej me konkurrencë shtesë për një vend në formacion.

Venezia, pas rikthimit në Serie A, synon të sigurojë mbijetesën në elitën e futbollit italian, por aktualisht gjendet në pozitën e parafundit në tabelë.

Problemet më të mëdha të skuadrës janë në fazën ofensive, pasi me vetëm tetë gola të shënuar është ekipi me sulmin më të dobët në kampionat./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.