Kryetari i Junikut, Ruzhdi Shehu, ka bërë të ditur se kanë vazhduar punimet për ndërtimin e kanaleve të ujitjes në këtë komunë.
Përmes një postimi në Facebook, Shehu ka thënë se bashkë me ekipin e tij ka dalë në terren për të parë nga afër ecurinë e punimeve.
“Së bashku me ekipin tim, ishim në terren për të parë nga afër punimet në ndërtimin e kanaleve të ujitjes”, ka shkruar Shehu.
Ai e ka cilësuar këtë si një investim të rëndësishëm për bujqit dhe zhvillimin e bujqësisë në Junik.
“Një investim i rëndësishëm për bujqit tanë dhe për zhvillimin e bujqësisë në komunën tonë. Pa ujë nuk ka prodhim!”, ka deklaruar Shehu.
“Vazhdojmë me punë!”, ka përfunduar ai. /Telegrafi/
Burimi: telegrafi.com ↗