KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Sali: Reformat evropiane duhet të lidhen me nevojat e përditshme të qytetarëve

Sali: Reformat evropiane duhet të lidhen me nevojat e përditshme të qytetarëve

Zëvendëskryetari i Parë i Qeverisë dhe ministër për Çështje Evropiane, Bekim Sali, u takua në Bruksel me kryetarin e Komitetit Ekonomik dhe Social Evropian (KESE), Séamus Boland.

Siç njoftojnë nga kabineti i tij, në fokus të takimit ishte roli i shoqërisë civile dhe partnerëve socialë në procesin e anëtarësimit të Maqedonisë së Veriut në Bashkimin Evropian (BE).

“Sali theksoi se reformat evropiane duhet të lidhen me nevojat e përditshme të qytetarëve, përfshirë punësimin, mbrojtjen sociale, mundësitë ekonomike dhe cilësinë e shërbimeve publike. Pjesëmarrja e punëdhënësve, sindikatave dhe organizatave të shoqërisë civile ndihmon që reformat të jenë më transparente, gjithëpërfshirëse dhe të qëndrueshme”.

“Ministri vlerësoi nismën e KESE për përfshirjen e përfaqësuesve nga vendet kandidate në punën e tij këshillimore, duke e cilësuar si shembull konkret të integrimit gradual para anëtarësimit. Kjo pjesëmarrje mundëson shkëmbimin e përvojave dhe kontributin në diskutimet për politikat evropiane”.

“Sali shprehu interes për shkëmbime të rregullta ndërmjet Ministrisë për Çështje Evropiane dhe Komitetit, si dhe për bashkëpunim tematik në fushat e aftësive profesionale, punësimit, konkurrueshmërisë dhe përfshirjes sociale. Ai nënvizoi se dialogu me qytetarët dhe partnerët socialë është thelbësor për forcimin e besimit në procesin e integrimit evropian”, thuhet në njoftimin nga kabineti i ministrit Bekim Sali.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.