Zëvendëskryeministri i parë dhe ministri për Çështje Evropiane, Bekim Sali, ka bërë të ditur se në një takim të sotëm është diskutuar për ecurinë e Agjendës së Reformave, prioritetet dhe dinamikën e zbatimit të masave të parapara.
“Progresi drejt Bashkimit Evropian kërkon reforma që zbatohen dhe rezultate që qytetarët i ndiejnë në jetën e përditshme.
Në takimin e sotëm kushtuar Agjendës së Reformave, shqyrtuam aktivitetet në vijim, prioritetet dhe dinamikën e zbatimit të masave të parashikuara. Përgjegjësia jonë është që çdo institucion të përmbushë detyrimet e veta në kohë, me objektiva të qarta dhe koordinim të vazhdueshëm”, deklaron Sali.
Ai shton se si Ministri për Çështje Evropiane, mbeten të angazhuar që ky proces të ecë përpara me rezultate të matshme: institucione më efikase, sundim të ligjit dhe kushte më të mira për zhvillimin ekonomik.
“Përmbushja e Agjendës së Reformave është një investim në besimin e qytetarëve dhe në të ardhmen tonë evropiane”, ka shkruar Bekim Sali.