Ronaldinho do të rikthehet në futbollin e luajtur më 15 nëntor, kur pritet të luajë me fanellën e Ravennas në derbin kundër Forlit, në Serie C.
Legjenda braziliane, tashmë 46-vjeçare, do të rikthehet në një ndeshje zyrtare pas më shumë se një dekade larg futbollit konkurrues.
Për këtë rikthim ka folur edhe Marco Borriello, ish-bashkëlojtari i tij te Milani, i cili vlerësoi talentin e jashtëzakonshëm të brazilianit.
“Kur kishte dëshirë të luante, ishte i pandalshëm. Ishte një fat i madh për sulmuesit si unë. Edhe duke qëndruar në vend, mund të bëjë diferencën, por në Serie C vrapojnë si bisha”, deklaroi Borriello për “La Gazzetta dello Sport”.
Ronaldinho, fitues i Topit të Artë në vitin 2005 dhe kampion bote me Brazilin në vitin 2002, pritet të jetë në qendër të vëmendjes në këtë rikthim të veçantë. /Zëri