Futbolli dhe teknologjia po bashkohen në një mënyrë të pazakontë.
Përballja mes Bayern Munichut dhe Borussia Dortmundit do të jetë ndeshja e parë në Bundesligë që transmetohet e tëra edhe në një botë virtuale, ku futbollistët paraqiten si figura Playmobil.
Për realizimin e këtij projekti do të përdoren inteligjenca artificiale dhe të dhënat e drejtpërdrejta të ndeshjes.
Çdo lëvizje e lojtarëve dhe e topit do të shndërrohet në animacion, duke bërë që tifozët ta ndjekin duelin sikur të ishte një lojë e vërtetë Playmobil.
Ky projekt synon veçanërisht të tërheqë gjeneratat e reja drejt futbollit, duke ofruar një përvojë ndryshe nga transmetimet tradicionale.
Përveç animacionit, tifozët do të kenë mundësi të marrin pjesë në votime dhe të ndikojnë në disa elemente të transmetimit.
Ndeshja do të transmetohet në këtë format special përmes Sky Sport dhe RTL+, duke filluar nga ora 18:00, të shtunën, më 31 tetor. /Zëri