NPL “Gjelbër” ka njoftuar se ka rifilluar prodhimi i kompostit në Qendrën e Kompostimit, me synimin që mbetjet organike të shndërrohen në vlerë për qytetin.
Sipas njoftimit të ndërmarrjes, rikthimi në funksion i kësaj qendre ishte një nga prioritetet e kryeshefit Lum Gashi që nga fillimi i mandatit të tij.
NPL “Gjelbër” ka falënderuar për mbështetjen Drejtorinë e Shërbimeve Publike dhe drejtorin Leutrim Retkoceri, Drejtorinë e Parqeve dhe drejtoreshën Albana Tuli Gjonbalaj, organizatën GIZ dhe Vjollca Podvoricën.
Po ashtu, ndërmarrja ka shprehur mirënjohje për drejtorin operativ Gent Luzha dhe punëtorët e angazhuar në terren për kontributin e tyre në rikthimin e funksionimit të qendrës.
“Kjo qendër nuk do të mbyllet më. Puna e vërtetë sapo ka filluar!”, thuhet në njoftimin e NPL “Gjelbër”. /Telegrafi/