KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Redi Jupi analizon Kosovën: Potenciali është aty, por ekipi është bërë i lexueshëm

Redi Jupi analizon Kosovën: Potenciali është aty, por ekipi është bërë i lexueshëm

Ish-futbollisti i Kombëtares së Shqipërisë, Redi Jupi, ka komentuar situatën e Kosovës në emisionin “Procesi Sportiv”, duke vlerësuar potencialin.

Jupi theksoi se Kosova e nisi shumë mirë rrugëtimin e saj, duke krijuar pritshmëri për një nivel edhe më të lartë të paraqitjeve. Sipas tij, përfaqësuesja kosovare ka futbollistë cilësorë dhe një sistem loje që i pëlqen, veçanërisht për qasjen sulmuese, shkruan Indeksonline

“Potencialin Kosova e ka. Ka lojtarë cilësorë dhe një sistem loje që mua më pëlqen. Janë gjithmonë përpara për të sulmuar dhe kanë shumë lojtarë në aspektin ofensiv”, u shpreh Jupi.

Megjithatë, ai vuri në dukje se në ndeshjet e fundit diçka nuk po funksionon siç duhet, duke theksuar se loja e Kosovës është bërë më e parashikueshme dhe skuadra duket se po has vështirësi për të gjetur alternativa në fushë.

“Çuditërisht, kohët e fundit ka diçka që nuk po funksionon siç duhet. Ekipi është shumë i lexueshëm. Duket sikur nuk ka shumë zgjidhje”, deklaroi ai.

Komentet e Jupit vijnë në prag të përballjes së Kosovës me Irlandën, në ndeshjen e fundit të saj në UEFA Nations League, ku “Dardanët” synojnë ta mbyllin këtë edicion me një paraqitje pozitive./Indeksonline/

Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.