KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Shëndet

Rasti i foshnjës në Spitalin e Pejës, shqetësime për zvarritjen e procesit gjyqësor (VIDEO)

Rasti i foshnjës në Spitalin e Pejës, shqetësime për zvarritjen e procesit gjyqësor (VIDEO)

Gati një vit pasi lënda penale për rastin e rëndë të foshnjës në Spitalin e Përgjithshëm të Pejës u transferua në Degën e Gjykatës Themelore në Istog, palët nuk janë njoftuar as për transferimin, e as për caktimin e seancës së radhës.

Seanca është caktuar për 25 nëntor 2026, ndërsa rasti vazhdon të shoqërohet me shqetësimin për zvarritje dhe rrezikun e parashkrimit.

Ngjarja kishte ndodhur në dhjetor të vitit 2022, kur një foshnjë e lindur pa shenja jete, sipas aktakuzës, ishte mbështjellë me çarçaf dhe ishte vendosur mbi frigorifer. Të nesërmen, trupi i saj dyshohet se përfundoi bashkë me çarçafët e papastër në lavatriçen e spitalit.

Rasti u zbulua kur familjarët shkuan në spital për ta marrë tërhequr trupin për varrim.

Trupi nuk u gjet në vendin ku ishte lënë, ndërsa gjyshi i foshnjës i pa me sytë e tij punëtorët e spitalit, derisa po i shkundnin nga çarçafët copëzat e foshnjës së vdekur, e cila kishte përfunduar gabimisht në lavatriçe me çarçafët e papastër.

Për këtë rast, Prokuroria Themelore në Pejë ngriti aktakuzë më 12 dhjetor 2024 ndaj gjinekologut Samir Imami dhe mamisë Edona Ademi, për veprën penale “Dëmtimi i varrezave apo kufomave”.

Gjinekologu mohon se ka qenë përgjegjësi e tij ruajtja e fetusit, ndërkaq mamia ka deklaruar se ajo e ka ruajtur foshnjën e vdekur sipas protokolit.

Avokatja e familjes, Saranda Keqekolla-Sadiku, ka ngritur shqetësimin për zvarritjen e procedurës dhe rrezikun e parashkrimit.

Ndërkohë, gati një vit pas transferimit të lëndës në Istog, palët ende nuk janë njoftuar për këtë ndryshim apo për seancën e radhës.

Detajet mund t'i gjeni në emisionin Kiks Kosova:

Hap videon në burimin e saj ↗
Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.