Vazhdon problemi me pagesën e TVSH-së, për qytetarët të cilët skanojnë kuponët fiskal. Përderisa disa qytetarë kanë marrë paratë nga TVSH-ja që muajin e kaluar, shumica e qytetarëve akoma nuk i kanë marrë mjetet prapa. Për këtë çështje nga Drejtoria për të Ardhura Publike nuk japin asnjë përgjigje.
“Në shtëpi po i skenojnë. Djali im i di ato, i skenon disa herë. Jo asgjë, dobët, rënd në këtë situatë nuk ka asgjë”, tha një qytetar.
“Po vajza i skenon. Nuk di, nuk kam fjalë, nuk di çka të them”, u shpreh qytetari.
Qytetarët e anketuar nga Alsat madje thonë se çmimi prej 2 mijë denarësh për tre muaj është tepër i ulët.
Masa për kthimin e TVSH-së është në funksion prej gati një dekadë, ndërsa çmimi maksimal për kthimin e TVSH-së arrin në 2100 denarë për tre muaj./Alsat/