KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Publikohet fotografia familjare e liderëve në Samitin e Procesit të Berlinit në Mal të Zi

Publikohet fotografia familjare e liderëve në Samitin e Procesit të Berlinit në Mal të Zi

Fotografia e përbashkët e liderëve pjesëmarrës në Samitin e Procesit të Berlinit, i cili po mbahet në Shën Stefan të Malit të Zi, është publikuar të enjten, më 22 tetor 2026.

Fotografinë familjare nga samiti e ka shpërndarë kryeministri i Kosovës, Albin Kurti, si dhe liderë të tjerë pjesëmarrës në këtë takim të nivelit të lartë.

Në samit, krahas kancelarit gjerman Friedrich Merz, janë mbledhur përfaqësuesit e gjashtë vendeve të Ballkanit Perëndimor: Kosovës, Shqipërisë, Serbisë, Malit të Zi, Maqedonisë së Veriut dhe Bosnjë e Hercegovinës.

Në takim po marrin pjesë gjithashtu përfaqësues të Bashkimit Evropian dhe liderë të vendeve të tjera evropiane të përfshira në Procesin e Berlinit, përfshirë Austrinë, Bullgarinë, Kroacinë, Francën, Greqinë, Italinë, Poloninë, Slloveninë dhe Mbretërinë e Bashkuar.

Samiti zhvillohet në kuadër të përpjekjeve për forcimin e bashkëpunimit rajonal, nxitjen e zhvillimit ekonomik dhe përshpejtimin e integrimit evropian të vendeve të Ballkanit Perëndimor.

Procesi i Berlinit synon të afrojë vendet e rajonit me Bashkimin Evropian përmes bashkëpunimit ekonomik, ndërlidhjes infrastrukturore dhe avancimit të marrëdhënieve ndërmjet vendeve pjesëmarrëse.

Samiti në Shën Stefan shënon njëherësh përmbylljen e kryesimit të Malit të Zi të Procesit të Berlinit për vitin 2026.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.