Miranda Kerr ka zbuluar arsyen pse vendosi të mos rikthehej në pasarelën e Victoria’s Secret, pavarësisht se mori një ftesë për sfilatën e vitit 2026. Modelja 43-vjeçare tregoi në podkastin “Not Skinny But Not Fat”, nga Amanda Hirsch, se fillimisht ishte emocionuar nga mundësia për të qenë sërish pjesë e këtij eventi, por gjatë kohës që po e mendonte, kuptoi se nuk ndihej më rehat.
Ajo pranoi se vetëm mendimi për të ecur përsëri në pasarelë e veshur me të brendshme i shkaktonte ankth. Jeta e saj ka ndryshuar shumë që nga paraqitja e fundit në sfilatë, më shumë se një dekadë më parë, dhe sot ajo është nënë e katër djemve.
“Po mendoja vërtet për këtë. Isha e emocionuar, por më pas fillova të bëhesha nervoze. Përpiqesha të imagjinoja si do të ndihesha duke qëndruar aty, e veshur vetëm me të brendshme. Jam 43 vjeçe dhe kam katër djem. Ndjeva një nyjë në stomak që nuk më largohej, pavarësisht se sa shumë përpiqesha të qetësohesha”, tregoi Kerr.
Ajo shtoi se sapo vendosi të mos merrte pjesë, ndjeu menjëherë lehtësim, gjë që e bindi se kishte marrë vendimin e duhur. Modelja theksoi se ndihet mirënjohëse për ftesën, por se tashmë ndodhet në një fazë tjetër të jetës dhe preferon t’i ruajë kujtimet e bukura nga eksperiencat e saj të mëparshme me markën.
“Është një nder i madh të ftohem të rikthehem në moshën 43-vjeçare, si nënë e katër fëmijëve. Ndihem vërtet mirënjohëse që menduan për mua”, u shpreh ajo.
Më 18 tetor, Kerr bëri publik vendimin e saj edhe përmes një postimi në Instagram, ku përkujtoi 20-vjetorin e debutimit në sfilatën e Victoria’s Secret, në vitin 2006. Ajo ndau fotografi dhe video nga paraqitjet ndër vite, duke kujtuar momentet e veçanta dhe miqësitë që krijoi gjatë asaj periudhe.
View this post on Instagram
A post shared by Page Six (@pagesix)
A post shared by Page Six (@pagesix)
Ftesa për t’u rikthyer në sfilatën e vitit 2026 ishte edhe më domethënëse, pasi përkonte pikërisht me dy dekada nga dalja e saj e parë në pasarelë. Megjithatë, modelja ndjeu se nuk dëshironte ta rihapte këtë kapitull, por ta linte aty ku kishte përfunduar.
Nga ana tjetër, pati edhe komente nga persona që mendonin se paraqitja e një modeleje 43-vjeçare dhe nënë e katër fëmijëve do të ishte një mesazh frymëzues për gratë e tjera. Disa argumentuan se fëmijët e saj nuk do ta kishin problem ta shihnin në pasarelë dhe se një rikthim i tillë mund të sfidonte pritshmëritë për moshën dhe trupin e grave.
Gjashtë sfilata dhe reçipeta Fantasy me vlerë 2.5 milionë dollarë
Miranda Kerr debutoi në sfilatën e Victoria’s Secret në vitin 2006 dhe u rikthye një vit më vonë, kur u bë zyrtarisht një nga “engjëjt” e markës. Më pas, ajo mori pjesë në katër sfilata të tjera, në vitet 2008, 2009, 2011 dhe 2012.
View this post on Instagram
A post shared by Iconic Catwalks (@iconic__catwalks)
A post shared by Iconic Catwalks (@iconic__catwalks)
Një nga momentet më të paharrueshme të karrierës së saj me markën ishte në vitin 2011, kur veshi reçipetën Fantasy Treasure, me vlerë plot 2.5 milionë dollarë. Krijimi nga London Jewelers ishte zbukuruar me afro 3,400 gurë të çmuar.
Në atë kohë, modelja e kishte përshkruar si një vepër arti, duke thënë se dizajni i kujtonte një sirenë.