Federico Chiesa dhe Harvey Elliott ishin dy mungesat më të spikatura në skuadrën e Liverpoolit për ndeshjen hapëse të Ligës Premier ndaj Newcastle United.
Trajneri i ri i Liverpoolit, Andoni Iraola, bëri katër ndryshime në formacionin që kishte mbyllur sezonin e kaluar, ndërsa Jeremy Jacquet mori debutimin e tij zyrtar me fanellën e “Reds”.
Chiesa mungoi për shkak të një problemi fizik. Sulmuesi italian raportohet se kishte pasur shqetësime fizike gjatë javës dhe nuk kishte marrë pjesë në stërvitjet e fundit para përballjes me Newcastle.
Për këtë arsye, ai nuk ishte në dispozicion të Iraolas për sfidën në “St James’ Park”, shkruan Tribuna.
Ndërkohë, Harvey Elliott u la jashtë për arsye teknike, me vendimin që i takoi trajnerit të ri. Mungesa e tij vjen në një moment kur e ardhmja e mesfushorit anglez te Liverpooli vazhdon të jetë në pikëpyetje.
Në skuadër u përfshi Lewis Koumas, i cili ishte në stol dhe u rikthye në një listë ndeshjeje të Liverpoolit për herë të parë që nga marsi i vitit 2024. 20-vjeçari shihet si një tjetër alternativë ofensive për Iraolan gjatë ndeshjeve.
Mungesat e Chiesas dhe Elliottit, në mënyra të ndryshme, tërheqin vëmendje në fillimin e një epoke të re në Liverpool, me Iraolan që po nis të marrë vendimet e para për skuadrën e tij. /Telegrafi/