Në kuadër të javës “Ta Pastrojmë Kosovën”, Komuna e Prizrenit, në bashkëpunim me JICA-n dhe banorët e fshatit Novosellë, ka zhvilluar një aktivitet mjedisor në hyrje të fshatit.
Gjatë aktivitetit është pastruar një hapësirë e degraduar, e cila më pas është rregulluar me gjelbërim, fidane, ulëse dhe elemente të tjera rekreative.
Sipas Komunës, hapësira e transformuar synon të shërbejë si pikë turistike dhe hapësirë e gjelbër për pushim, në përshtatje me karakterin malor të Novosellës.
Komuna ka theksuar se aktiviteti përcjell mesazhin se kujdesi për mjedisin dhe hapësirat publike është përgjegjësi e përbashkët e institucioneve dhe komunitetit. /Telegrafi/
Burimi: telegrafi.com ↗