KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Presidentja Shiroka-Pula priti në takim ambasadorin e Sllovenisë, Borut Blaj

Presidentja Shiroka-Pula priti në takim ambasadorin e Sllovenisë, Borut Blaj

Presidentja e Republikës së Kosovës, Justina Shiroka-Pula, të martën ka pritur në takim ambasadorin e Sllovenisë në Kosovë, Borut Blaj, me të cilin ka diskutuar për marrëdhëniet dypalëshe dhe mundësitë e zgjerimit të bashkëpunimit ndërmjet dy vendeve.

Sipas njoftimit të Presidencës, gjatë takimit u rikonfirmuan marrëdhëniet miqësore ndërmjet Kosovës dhe Sllovenisë, si dhe përkushtimi i përbashkët për thellimin e mëtejshëm të bashkëpunimit bilateral.

Presidentja Shiroka-Pula ka shprehur mirënjohjen për mbështetjen e vazhdueshme të Sllovenisë në forcimin e institucioneve të Kosovës dhe në procesin e integrimit evropian.

Ajo ka theksuar gjithashtu rëndësinë e mbështetjes sllovene për anëtarësimin e Kosovës në Këshillin e Evropës, si dhe për avancimin e aspiratave euroatlantike të vendit, me theks të veçantë në synimin për anëtarësim në NATO.

Gjatë takimit është diskutuar edhe për mundësitë e thellimit të bashkëpunimit ekonomik, rritjen e investimeve dhe zgjerimin e shkëmbimeve tregtare.

Në këtë drejtim, presidentja ka vlerësuar potencialin për forcimin e bashkëpunimit ndërmjet bizneseve të të dy vendeve, duke theksuar rëndësinë e nxitjes së investimeve dhe krijimit të mundësive të reja për zhvillim ekonomik.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.