Policia ka arrestuar një person të dyshuar për posedim të paautorizuar të substancave narkotike në Skenderaj.
Gjatë kontrollit të detajuar, policia ka gjetur dhe sekuestruar 8.6 gramë substancë të dyshuar narkotike, dy pajisje të njohura si grinder, që dyshohet se përdoren për bluarjen e substancave narkotike, si dhe një thikë.
"Me vendim të prokurorit kompetent, ndaj të dyshuarit është iniciuar rast për veprën penale ‘Posedimi i paautorizuar i narkotikëve, substancave psikotrope ose analoge”’, thuhet në njoftimin e PK-së.
Po ashtu thuhet se i dyshuari është liruar, ndërsa rasti do të vazhdojë në procedurë të rregullt.
Burimi: zeri.info ↗