KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Policia zbulon një kasafortë të fshehtë pas një muri të rremë në rezidencën e ish-presidentit të Paraguait

Policia zbulon një kasafortë të fshehtë pas një muri të rremë në rezidencën e ish-presidentit të Paraguait

Policia në Paraguai ka bastisur rezidencën e ish-presidentit Santiago Peña, ku raportohet se ka zbuluar një kasafortë të fshehur pas një muri të ndërtuar posaçërisht për ta kamufluar atë.

Sipas raportimeve, sistemi i sigurisë së kasafortës ishte aq i sofistikuar, saqë zyrtarët policorë patën vështirësi për të siguruar qasjen në të, transmeton Telegrafi.

Bastisja vjen në kohën kur Paraguai po përballet me një skandal të madh politik dhe financiar, i lidhur me kolapsin e bankës Ueno.

Rënia e këtij institucioni financiar bëri që afro tre milionë klientë të mos kishin mundësi të tërhiqnin apo të qaseshin në paratë e tyre.

Senati i Paraguait thuhet se e ka shkarkuar Peñan nga detyra të premten, ndërsa ai aktualisht ndodhet në paraburgim në pritje të zhvillimit të procedurave gjyqësore.

Prokuroria po heton dyshimet për keqpërdorime dhe marrëdhënie financiare personale që lidhen me bankën Ueno.

Një prej pretendimeve të hetuesve është se banka kishte dhënë kredi për financimin e ndërtimit të rezidencës së ish-presidentit.

Ndërkohë, zbulimi i kasafortës së fshehtë gjatë bastisjes ka shtuar vëmendjen ndaj hetimeve, megjithëse deri më tani nuk janë bërë publike detaje se çfarë mund të ketë brenda saj. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.