Deputetja e PDK-së, Ganimete Musliu, ka kritikuar ministrin e Punëve të Brendshme, Xhelal Sveçla, duke e akuzuar për ndërhyrje në punën e Policisë së Kosovës.
Në “BlicInterview me Astrit Gashin”, Musliu tha se Sveçla është dashur të japë dorëheqje ose të shkarkohet, dhe në këtë mënyrë Policia e Kosovës të mund t’i kryejë detyrat e saj pa ndërhyrje.
“Shumë më e lehtë ka qenë që të japë dorëheqje apo të shkarkohet Xhelal Sveçla dhe t’i lërë policinë të kryenin detyrat e veta. Xhelal Sveçla bën ndërhyrje të tmerrshme në punën e Policisë së Kosovës”, deklaroi Musliu.
Ajo theksoi se Policia e Kosovës nuk duhet të trajtohet si pronë e ministrit Sveçla apo e Lëvizjes Vetëvendosje.
“Duhet t’i bëhet e qartë Xhelal Sveçlës që Policia e Kosovës nuk është pronë as e Xhelalit e as e Vetëvendosjes”, shtoi deputetja e PDK-së./GazetaBlic