Sipas njoftimit të PK-së, në shkollën “Shaban Hashani” u inaugurua sistemi i kamerave të sigurisë, projekt ky i iniciuar nga Këshilli Lokal për Siguri Publike (KLSP), në bashkëpunim me Policinë e stacionit të Ferizajt dhe me financim nga OSBE-ja.
“Në kuadër të projektit janë vendosur gjithsej 15 kamera, me qëllim parandalimin e incidenteve dhe rritjen e sigurisë për nxënësit, mësimdhënësit dhe personelin e shkollës”, thuhet në njoftimin e PK-së.
Ky projekt dëshmon rëndësinë e bashkëpunimit ndërmjet Policisë, KLSP-së, OSBE-së dhe institucioneve arsimore për forcimin e sigurisë në shkolla dhe në komunitet. /Zëri
Burimi: zeri.info ↗